Npower Payment: Sabon Albishir Ga Ma’aikatan NPower
Npower Payment: Sabon Albishir Ga Ma’aikatan NPower
Barkanku da wannan lokaci, sannunku da sake kasancewa da wannan website namu mai albarka Mrkivi.Com
Kamar yadda wasu suka sani a ranar litinin da ta gabata 18/08/2025, mai rikon mukamin Shugaban shirin Npower, ya tabbatar da cewa an mika asusun masu amfana da shirin Npower zuwa Ofishin Mai Girma Ministan kudi domin a saki kudadensu daga babban bankin Nigeria (CBN), domin a biya masu amfana da shirin a ko wane lokaci daga watan Satumba.
To sai ga shi kuma Jiya Ƙungiyar Ƙwadago ta Najeriya (NLC) ta zauna da shugabanin Npower na ƙasa, inda ita ma ta yi alkawarin matsa wa Gwamnatin Tarayya lamba kan batun biyan bashin alawus-alawus da masu amfana da shirin N-Power Kebin ta bashi
Wannan ya biyo bayan wata ganawa da aka yi a jiya tsakanin shugabannin NLC da wakilan Ƙungiyar Ƙasa ta Masu Amfana da Shirin N-Power.
A cewar Ƙungiyar, NLC ta tabbatar da cewa za ta rubuta wasiku kai tsaye ga Ministan Harkokin Jin Kai da kuma Ministan Kuɗi domin tabbatar da cewa an fara biyan kuɗin ba tare da wani jinkiri ba.
Haka kuma, Ƙungiyar ta ƙara da cewa za ta ba wa gwamnati wani takamaiman lokaci don fara biyan kuɗin, inda ta gargadi cewa idan gwamnati ta gaza aiwatar da hakan a cikin lokacin da aka tsara, to za a ɗauki matakan da suka dace.
NLC ta kuma shawarci duk masu amfana da shirin da su ci gaba da matsa lamba ta hanyoyin da suka dace ta kafafen sada zumunta da kuma a zahiri domin a tabbatar da cewa muryar su tana ƙara samun tasiri.
Taron ya samu halartar mambobin kwamitin gudanarwa na ƙasa na NLC, da wakilan ƙungiyoyin NUPENG, PENGASSAN, NUJ, tare da shugabannin N-Power na ƙasa.
Ƙungiyar Masu Amfana ta bayyana godiyarta ga NLC bisa irin goyon baya da ta nuna, tare da kira ga duk masu amfana da shirin da su kasance masu haɗin kai da juriya wajen ganin an cimma wannan buri.
Post Comment