Hanyoyi Tara 8 Da Zaka Gane Yan Damfara A Yanar Gizo/Social Media

Hanyoyi Tara 8 Da Zaka Gane Yan Damfara A Yanar Gizo/Social Media

Barkanku da wannan lokaci, sannunku da sake kasancewa da wannan website namu mai albarka Mrkivi.Com

Kamar yadda muka sani wannan zamani cike yake da yan damfara musanman a yanar gizo/ social media.

A kan samu ƙorafe-ƙorafe a kullum daga bakin mabanbanta mutane cewa an damfare su kudade ko wasu abubuwan daban. Hakan ta sa muka ga ya dace mu kawo muku wannan bayani na yadda za ka gane ire-iren waɗannan masu damfara.

A bayanin namu za mu kawo muku bayanai na wasu hanyoyi da za ku gane waɗannan mazambata da kuma hanyoyin da suke bi wajen damfarar mutane. Waɗannan hanyoyi za su taimaka muka ƙwarai da gaske domin guje wa tarkon nasu. Ga hanyoyin:

1. Neman Bayanai Masu Mahimmanci

Waɗannan mutane su kan kan tambaye ka password, ko OTP, ko bayanin katin banki, ko BVN ko lambar kuɗin recharge – waɗannan abubuwan ko banki ba sa tambaya mutane su, saboda haka ko wani ne ya kira ya ce ma daga banki yake kar ka ba shi waɗannan bayanai

2. Alƙawarin Riba Mai Yawa Cikin Sauri

A lokutan masu damfara su kan yi amfani da wannan salo su ce kasa wani kaso na kuɗi cikin ƙanƙanin lokaci ka samu riba mai yawa. Misali, “ka saka ₦10,000 zaka samu ₦100,000 cikin kwanaki 2”. Wanda ka san a hankalce wannan abu ne marar yiwuwa.

3. Shafukan Yanar Gizo Marasa Tsaro

Duk shafin (website) ɗin da ka ga ba shi da “https://” a farkon to gaskiya shafin ba shi da tsaro.

4. Sunan Asusun Su Ba A Bayyane Yake Ba

Ba sa bude ingantaccen account na banki kamar su ( First Bank, Access Bank ko Uba ) Za ka ga suna bude asusun bog ( wato online) irin Opay ko Kuda ko Moniepoint dadai sauransu

5. Saƙonni Masu Wuce Gona Da Iri

A wasu lokutan su kan aika maka da sakon email ko saƙon WhatsApp/Facebook suna cewa ka ci kyauta, ko an zaɓe ka don samun kuɗi ba tare da dalili ba.

6. Hotuna Da Videos Na Karya

Yawanci suna amfani da hotunan mutane da ba su sani ba ( suna sa hotunan wasu celebrities), ko kuma suna amfani da sunan shahararrun kamfanoni don yaudarar mutane.

7. Suna Bada Umarni Cikin Gaggawa

Zasu ce ku yi wani abu nan take musamman su ce ma ka turo musu wani abu ko umarnin dai daban ( ba sa bada damar yin tunani kafin yanke hukunci). Misali “ka danna nan yanzu” ko “ka tura kuɗi cikin awa 1 ko za ka rasa damar”. Wannan salon yana nuna yaudara kwarai da gaske.

8. Sunan Email Ɗinsu Ba Ya Dacewa Da Kamfani Na Gaskiya

Wato ƙirƙiraran Email suke amfani da shi irin wanda kowa zai iya budewa saɓanin kamfani ko ma’aikata.

Misali: support.paypal123@ gmail. com. maimakon support@ paypal. com.

Wannan wasu kenan daga cikin hanyoyin da za ku gane yan damfara a yanar gizo/social media. Allah Ya shiga tsakaninmu.