Shirin Tallafawa Matasa Mai Suna NIYA Daga Gwamnatin Tarayya

Barkanku da wannan lokaci, sannunku da sake kasancewa da wannan website namu mai albarka Mrkivi.Com

NIYA wani shiri ne da gwamnatin tarayya ta ƙirƙiro don rage rashin aikin yi a tsakanin matasan Najeriya da kuma samar da damar ci gaba da bunƙasa a cikin tattalin arzikin duniya mai saurin canzawa.

Shugaba Bola Ahmed Tinubu ya kaddamar da Nigerian Youth Academy (NIYA)—shiri da aka kirkiro domin ba matasan Najeriya horo, ilimi, da damar da za su inganta gwanintarsu a duniya.

A yayin bikin kaddamar da shirin da aka gudanar a ranar Litinin, 24 ga Maris, a Council Chambers na Fadar Gwamnati, Abuja, Mataimakin Shugaban Kasa, Kashim Shettima, wanda ya wakilci Shugaba Tinubu, ya jaddada cewa shirin na NIYA zai mayar da hankali kan manyan fannonin guda uku:

• Ilimi da Habaka Kwarewa
• Karfin Tattalin Arziki
• Jagoranci da Kula da Harkokin Al’umma

A wajen taron, Ministan Kudi da Tsare-tsaren Tattalin Arziki, Wale Edun, ya bukaci matasan Najeriya da su rungumi shirin tare da amfana da damar da yake bayarwa.

Haka nan, Ministan Raya Matasa, Ayodele Olawande, ya bayyana NIYA a matsayin wani shiri na musamman da aka kirkiro don ba matasa kwarewar da za su iya amfani da ita wajen samun aiki. Ya kuma bayyana cewa shirin yana cikin tsare-tsaren Shugaba Bola Ahmed Tinubu na “Renewed Hope Agenda” don karfafa matasa.

ABUBUWAN DA AKE BUKATA DOMIN YIN RIJISTA SUN HADA DA:

• Imel (Email)
• Sunan Farko (First Name)
• Sunan Tsakiya (Middle Name)
• Sunan Karshe (Last Name)
• Kalmar Sirri (Password)
• Jinsi (Gender)
• Ƙasar da kake zaune (Country of Residence)
• Jihar Asali (State of Origin)

YADDA ZA KU YI APPLY

Mai sha’awar cike wannan program na NIYA ya shiga rubutun da ke nan ƙasa ya yi apply

https://yid.fmyd.gov.ng/niya-gigs/

Allah Ya yi jagora.