Yadda Ake Cika Fom Na Tallafin Kudin RRR/NSR ₦75,000 Na Shekarar 2025

A sabbin labarai dangane da tallafin kuɗi na RRR, muna son mu bayyana yadda ake cika fom ɗin samun tallafin Naira dubu 75 daga shirin gwamnati na 2025. Karanta wannan rubutu har ƙarshe domin ka fahimta sosai.

Mutane da dama suna tambaya ta yadda za su yi rijista a tsarin NSR (National Social Register) ko RRR (Rapid Response Register) domin su amfana da tallafin kuɗi na shirin Conditional Cash Transfer (CCT) da shugaban ƙasa Bola Ahmed Tinubu ya kaddamar a ranar 17 ga Oktoba, 2023, muka yanke shawarar bayani dalla-dalla don sauƙaƙa wa jama’a.

MENENE NSR (NATIONAL SOCIAL REGISTER)?

NSR wata babbar rijista ce da ke ƙunshe da sunayen mutane marasa galihu daga kowanne yanki na ƙasar. Kowacce jiha ce ke tattara bayanan mutanen da ke cikin bukata a yankinta, ta hanyar amfani da hanyoyin tantancewar da ke haɗa da al’ummar gari da ma’aikatan gwamnati.

Akwai wata hukuma mai suna NASSCO, ƙarƙashin Ma’aikatar Jinƙai da Rage Talauci ta Ƙasa, wadda ke kula da gina wannan rijista da kuma daidaita sauran shirye-shiryen tallafi a faɗin ƙasar.

A cewar NASSCO, yanzu haka akwai fiye da mutane miliyan 60 a cikin wannan rijista, kuma duk mutane ne da aka tantance su daga ƙauyukansu da ƙananan hukumomi.

Saboda an gina wannan rijista ne tun zamanin gwamnati ta baya, gwamnatin yanzu ta fara tantancewar sabo don tabbatar da cewa mutanen da ke cikin rijistar na gaske ne.

Kamar yadda Ministar Jinƙai ta bayyana, an fara sabunta rijistar domin ƙara sabbin mutane masu bukata. A yanzu haka, ma’aikata na zagayawa ((Enumerator)) suna ɗaukar sabbin bayanai.

Yadda Ake Cika Fom ɗin Tallafin Kuɗi na RRR/NSR ₦75,000 na Shekarar 2025

Hanyoyin da za ka bi domin Idan shiga cikin wannan rijista don samun tallafin sun haɗa da:

Tuntubar mai Unguwa domin sani lokacin da ma’aikatan zagawa ( Enumerators ) za su zo yankinku su muku, saboda an wakilta su zuwa sassan ƙasar nan baki daya. Akan kafe sunaye na waɗanda za a yi wa wannan rijistar kafin ma’aikatan su zo su fara shigar da bayan mutane kama daga NIN, BVN, Account Number dai dai sauransu. An cike tallafin ne tun a tsohuwar gwamnati yanzu sabunta bayanai ake.

Sai kuma akan ɗora sunayen wasu a kan sunayen waɗanda suka rasu ko aka rasa su.

Hanya ta gaba kuma ita ce, zuwa Ma’aikatar Tsare-tsare ta Jiha, ka tambayi inda ake yin rijistar RRR/NSR.

Ko kuma, ka kira lambar 969. don samun ƙarin bayani daga NASSCO.