Yadda Za Ka Fara Samun Kudi Ta Hanyar Dora Video A YouTube

Kamar yada muke kallon YouTube a matsayin wata kafa ta kallon bidiyo, tabbas manhajar “YouTube” ba nan kaɗai ta tsaya ba. “YouTube” ma karan kanshi wata manhaja ce ta bincike (Search Engine) wadda Google kaɗai ke gabanta kuma a halin yanzu “YouTube” nada mabiya masu aiki dashi duk wata fiye da biliyan ɗaya da miliyan ɗari tara (1.9 billion active

users)..

Barkanku da wannan lokaci, sannunku da sake kasancewa da wannan website namu mai albarka Mrkivi.Com

Idan yau zaka fara business da “YouTube” to kana buƙatar yin rajista sannan ka buɗe tasha (channel) wadda zaka dinga ɗora bidiyoyi a kanta. Sannan dole ka zaɓi ɓangaren da zaka dinga gudanar da “YouTube” ɗinka misali: Tashar bidiyon kasuwanci, Tashar Bidiyon abinci, Tashar bidiyon Kimiyya da sauransu.

YA ZAKA FARA SAMUN KUƊI A YOUTUBE?

Idan ka buɗe Tashar kuma kaci gaba da ɗora bidiyoyi har ka samu aƙalla mabiya dubu ɗaya (1000 subscribers) da kallo na awa dubu hudu (4000 hours of watch) to zaka iya neman a fara biyanka (monetization) ta hanyar Google Adsense, A halin yanzu akwai dumbin mutane da suke ta faɗi-tashi domin ganin sun samu mabiya (subscribers) da Masu kallo (viewers) domin ganin sun fara samun kuɗin shiga.

Domin samun kuɗin shiga masu tsoka dole sai ka dinga samun masu kallo sosai a wata. Domin samun masu kallo sosai a wata

kanada hanya biyu:

1. Na ɗaya: ka ɗora bidiyo wanda mutane suke nema ka auna tunanin mutane kagane menene yake Trending ko kuma menene yakamata mutane su sani domin amfanuwa sannan kayi Addu’a domin ya yaɗu sosai, ta hakan zaka

iya samun mabiya (subscribers) da masu kallo (viewers) masu yawan gaske.

2. Na biyu: ka ɗaga darajar bidiyoyinka ta hanyar “YouTube Search Engine Ranking” ta yadda mutane zasu dinga ganin bidiyon ka a yayin da suka ziyarci manhajar suna duba bidiyoyi (scrolling and watch) ko kuma lokacin da sukayi kokarin neman (search) wani bidiyo makamancin naka, to naka zai bayyana masu.

A waɗannan hanyoyin guda biyu, hanya ta farko batada wuya sosai amma ta biyun dole sai ka samu ilimin “YouTube SEO” domin bidiyoyinka su dinga yin sama ta hanyar amfani da kalmomi “keywords”. To zakaga bidiyon ka na ta samun ɗaukaka ta yanda zaka samu kuɗi sosai ta hanyar tallace-tallace da zasu dinga ɗorawa a shafinka ana biyanka.

Masu son farawa zaku iya ɗauko Manhajar YouTube a Playstore ko Appstore.

A kula: duk wani business a online ba’a samun shi a banza ana buƙatar aiki mai kyau, lokaci, hakuri da jajircewa. Idan ka dage ka sa waɗannan abubuwa guda Huɗu Insha Allah zaka dace. A tuna, babu wata hanya ta ƙwarai da zaka samu kuɗi ba tare da kayi aikin komai ba..

Allah yasa mu dace!