Mine Ne Gmail/Email ? Mine Amfanin Mallakar Gmail A Wannan Zamanin?

AMFANIN MALLAKAR GMAIL ( GOOGLE ACCOUNT)

Barkanku da wannan lokaci, sannunku da sake kasancewa da wannan website namu mai albarka Mrkivi.Com

Kamar yadda bayani ya gabata, Gmail ɗaya ne daga cikin “email service provider” da kamfanin Google ke gudanar da shi. Ga mai amfani da wayar Android, ‘email’ na Google (Gmail) zai fi yi masa amfani fiye da saura ‘provider’ na Yahoo, Hotmail, Yandex da sauransu.

Da yawan mutane in an ce Google, sukan taƙaita shi da ‘ seaching engine’ ma’ana wurin da za ka yi browsing (bincike) na wani abu; in kuma aka ambaci ‘Gmail’, da yawa mukan taƙaita aikinsa da turawa ko karɓar ‘email’; amma duk amfaninsu ya wuce a nan.

Google shi ne kamfanin da yafi kowanne kamfani ƙarfi a duniyar fasahar sadarwa. Shi ne kamfani da yake gudanar da OS (opereting system) na Android tare da shi da sauran wasu kamfanoni. Android shi ne OS da mafi yawancinmu muka fi amfani da shi a wayoyinmu na Samsung, Pixel, TECNO Mobile, Infinix Mobile, itel, Xiaomi, Gionee, Huewei, HTC, Motorola, OPPO, Nokia, vivo da sauransu.

1-Idan ka buɗe ‘Gmail account‘ kai tsaye ka yi rijista ne ‘Google Account and Services’, ma’ana zaka ya amfani da duk wani tsare-tsare da manhajoji 131 da Google ke gudanar da su waɗanda iya mai Google account ne kaɗai zai iya morarsu kai tsaye 100%.

Waɗanan manhajojin sun haɗa da Gmail, Playstore, YouTube, Google Drive, Photos, Blogger, Forms, Alerts, Adsense, Google Chats, Google Classroom, Family Link, Find My Phone, Google Group, Contacts, Message, Google One, Podcost, Hangouts, Scholar, Meet, AdMob, Cloud, Translet… da sauransu. Kuma ana amfani da su waje sadar da sakwanni, karatu, kasuwanci, developing, taruka, adana bayanai, ƙididdiga da sauransu.

2. Mallakar ‘Google account ‘ yana taimakawa wajen AUTO-FILL na l Login credentials (bayanai da zaka shiga domin buɗe wani shafi, i.e. username da password); ma’ana, idan ka yi saving bayanan shiga wani shafi (mis. facebook, ko Twitter), babu buƙatar sai ka yi typing na username da password, a’a kai tsaye AUTO-FILL zai shigar ma da bayanan.

Ba za mu iya bayanin dukkan ‘apps’ 131 a yanzu ba, ba kuma lalle a ce sai ka iya amfani da dukkanin ‘apps’ ɗin ba (ya danganta da buƙata ne), sannan wasun su ba a iya amfani da su a wasu ƙasashen. Ga taƙaitaccan bayani a kan su

•  PLAYSTORE – rumbu ne mai ɗauke da manhajojin Android (apk) 2.59 million (Statista, 2022). Mai Google account (Gmail) ne kaɗai ne zai iya shiga domin sauƙe ‘apps’ daga cikin Playstore.

• GOOGLE CONTACTS – ‘app’ ne da ake iya adana lambobin waya daga 1 zuwa 25,000. Amfani da ‘Google Contacts’ na da matuƙar muhimmanci, saboda ko an sami akasi wayarka ta ɓata, ko ta lalace, ko aka sace, da zarar ka sami wata wata wayar ko a computer zaka iya dawo da duk ‘contacts’ da ka adana (saving) cikinsa.

• BLOGGER -zaka iya ƙirƙirar ‘blog site’ da Blogger, har kana iya wallafa rubutu kyauta. Idan kana samun traffic da yawa, zaka iya ‘ijista’ da ‘Adsense’ ka fara samun kudin da Blogger idan kana ɗora talla/ads

• FIND MY PHONE – manhaja ce da za ta taimaka wajen gano inda wayarka take, in ka rasa ta, ko ka jefar ta, ko aka sace.

• YOUTUBE – wannan sananne ‘app’ ne na Google da zaka iya buɗe ‘chennel’ a shi ta hanyar amfani da ‘Google account’. Idan kana samun traffic da yawa, aƙalla subscribers 1000, kuma aka samu an buɗe ‘contents’ naka kamar sau 4000, zaka iya fara samun kuɗi da YouTube.

• GOOGLE PHOTOS – Wannan manhajar tana taimakawa sosai wajen adana hotunan cikin waya. Idan kana ‘backup’ na hotuna a cikin ‘PHOTOS’ za a iya ‘restoring’ nasu a kowacce irin waya ka canja, a kowanne lokaci.

• GOOGLE DRIVE – wannan manhajar ‘cloud’ ce da ke iya bawa mutum damar ajiye ‘files’ a ciki. Suna bawa kowanne user (mutum) ‘storage’ na 15 gigabytes. Zaka iya buɗe abubuwa da ka adana a cikin Drive a kowacce waya ko computer idan ka yi amfani da ‘Google Account’ (Gmail) naka.

• SCHOLAR – Google scholar kamar ‘Google Seach Engine’ ne. Yana taimaka wajen lalubo metadata (ta rubuce-rubuce na ilimi).

Misali, in ka sami wani rubutu, kuma kana son ba shi ‘reference’ idan ka ɗauki ‘jumla’ ka ɗora a Scholar zai baka idan irin wannan jumlar ta bayyana a rubuce-rubuce da suka gabata, cikin littafai, ko muƙala (articles), ko jounorls , ko mujallu da sauransu.

• CHROME REMOTE DESKTOP – manhaja ce da zata baka damar shiga cikin files na computers daga wayarka, koda baka tare da computer ɗin.

• GOOGLE ADS – Manhajar Adsense da AdMob na taimakawa masu amfani a social media yin rijista domin samun kuɗi ta hanyar ɗora talla a shafukansu (ads).

• MEETS– kamar Zoom yake, ana yi meeting online

Akwai sauran apps na Google da za su taimaka sosai wajen developing, kamar Optimize, Google Analytics, Google Cloud, Firebase, Flutter, Play Protect, Play Games, Survey, Web da sauransu.

Akwai apps na Google da za su taimaka wajen editing na hoto, SNAPSEED da PHOTOS. Akwai na duba taswira (map), GOOGLE MAP da GOOGLE EATH. Akwai manhajar karɓar bayanai ta GOOGLE FORMS, akwai manhajar fassara ta TRANSLET. Akwai manhajoji da yawa na GOOGLE, sai a hankali ko in buƙata ta tashi, za mu dauki wasu muna bayaninsu a taƙaice.

ABUN LURA A NAN SHI NE

Yawancin waɗancan tsare-tsare na Google, iya masu Google account (Gmail) ke iya morarsu 100%.

Ana iya amfani da Gmail, kamar sauran ‘rpovidera’ (Yahoo, Hotmail…) wajen yin rijista ko cike-ciken da ake a yanar gizo, kamar buɗe profile na makaranta ko cike aiki (jop application, kamar na sojoji da sauransu), ko cike tallafi (mis. Survival Found) da sauran cike-cike.

Kar ka yi gangacin bawa kowa login details na Gmail naka, domin za a iya shiga (accessing) dukkan waɗancan tsare-tsaren da shi.

Allah Ya taimaka