Ko Ka San Amfani Da Waya A Cikin Duhu Na Haifar Da Wasu Matsalolin Guda (5)

Ko Ka San Amfani Da Waya A Cikin Duhu Na Haifar Da Wasu Matsalolin Guda (5)

Barkanku da wannan lokaci, sannunku da sake kasancewa da wannan website namu mai albarka Mrkivi.Com

A wasu lokutan mutane na amfani da wayoyi a cikin duhun dare, ( wato a muhallin/daƙin da ba haske ) wanda hakan ke haddasa wasu matsaloli ga lafiyar mutum.

Ga wasu daga cikin waɗannan matsaloli:

1- MATSALAR CIWON WUYA/BAYA (POSTURE)

Yawanci idan muna amfani da waya a duhu, a lokacin da mutum yake kwance ko zama cikin yanayi mara kyau; wato akihingiɗe wanda na iya jawo ciwon wuya, baya, da kafadu.

2- ILLAR LAFIYAR KWAKWALWA

Rashin isasshen bacci da ke biyo bayan amfani da waya a cikin duhu na iya haifar da damuwa (anxiety), rashin natsuwa, ko saurin fushi.

3 – MATSALAR IDO

Idan kana amfani da waya a cikin duhu, wayar tana fitar da haske mai ƙarfi wanda yake tilasta idonka yin ƙoƙari sosai don daidaita haske.

Wannan na iya kawo gajiyar ido (eye strain), da sauran cututtuka ga lafiyar ido.

Sannan, kuma hasken shuɗi (blue light) daga waya na iya lalata tsarin bacci saboda yana hana fitar melatonin (hormone na bacci).

4- CIWON KAI KO ƘAIƘAYIN KAI

Idan aka ɗauki lokaci mai tsawo ana amfani da waya a cikin duhu na iya kawo ciwon kai saboda tsananin ƙoƙarin ido wajen ganin rubutu ko hotuna da wayar ke dauke da su.

5- MATSALAR BACCI

Yin amfani da waya a cikin duhu kafin bacci na iya sa ka kasa yin bacci da wuri ko rashin samun bacci mai zurfi.

Wannan kuma na iya jawo gajiya da rashin kuzari da rana, wato bayan gari ya waye.

Waɗannan wasu matsaloli ne daga cikin ire-iren matsalolin da amfani da waya cikin duhu ke haddasa wa ga rayuwar ɗan Adam. Allah Ya kiyaye, Amin.